News 02 March 2018

شہید ڈاکٹر محمد علی نقوی کی برسی کا مرکزی پروگرام کل سے ہوگا

Rate this item
(0 votes)

امامیہ اسٹوڈنٹس آرگنائزیشن پاکستان کے بانی رہنما شہید ڈاکٹر محمد علی نقوی کی 23ویں برسی کے تمام انتظامات مکمل کر لئے گئے ہیں ۔ برسی کے حوالے سے دور وزہ مرکزی تقریب شہید ڈاکٹر محمد علی نقوی کے مزار علاقہ نواب صاحب علی رضا آباد رائے ونڈ روڈ لاہور میں کل سے ہو گی۔ برسی کے پہلے روز شب شہدا و شب دعا کا انعقاد کیا جائے گا جس میں شہید کے ورثا بھی شریک ہونگے ۔جبکہ برسی کے دوسرے روز میں امامیہ سکائوٹس کا چاک و چوبند دستہ سلامی پیش کرے گا جس کے بعد سیمینار ہو گا، جس میں جید علمائے کرام، سینئر برادران اور آئی ایس او کے سابق اور موجودہ عہدیداران شریک ہوں گے۔ سیمینار کی صدارت آئی ایس او پاکستان کے مرکزی صد ر انصر مہدی کریں گے جبکہ سابق مرکزی صدور بھی شہید ڈاکٹر محمد علی نقوی کے افکار پر روشنی ڈالیں گے۔برسی کے انچارج مرکزی جنرل سیکرٹری خیام نقوی نے بتایا کہ قافلوں کی آمد کا سلسلہ جاری ہے جس کے لئے ٹھوکر نیاز بیگ پر استقبالیہ کیمپ لگا دیا گیا ہے۔انہوں نے بتایاکہ سیکورٹی کی صورت حا ل کے پیش نظر ایک سو زائد امامیہ اسکائوٹس سیکورٹی کے فرائض انجام دیں گے ۔

Read 321 times
News Desk

Email This email address is being protected from spambots. You need JavaScript enabled to view it.

Picture Gallery