News 30 September 2018

آئی ایس او پاکستان کے تحت ملک کی اہم جامعات میں یوم حسین ؑ کا انعقاد جاری

آئی ایس او پاکستان کے تحت ملک کی اہم جامعات میں یوم حسین ؑ کا انعقاد جاری۔

امامیہ اسٹوڈنٹس آرگنائزیشن پاکستان کے مرکزی سیکرٹریٹ لاہور میں مرکزی صدر انصر مہدی کی مرکزی عہدیدران کے ساتھ ایک اہم نشست ہوئی جس میں محرم الحرام کے دوسرے اور تیسرے عشرہ بعنوان حسین شناسی کے حوالے سے ملک بھر کی جامعات میں یوم حسین کے سلسلہ میں ہونے والی تقریبات کا جائزہ لیا گیا۔

مرکزی جنرل سیکرٹری قاسم شمسی کا کہنا تھا کہ ملک کے تعلیمی اداروں میں آئی ایس او پاکستان کے زیراہتمام یوم حسین کی تقریبات شروع ہو گئی ہیں، جامعات میں یوم حسین کا انعقاد نواسہ رسول ۖ کے مشن کو آگے بڑھانا مقصود ہے امام حسین کسی گروہ یا فرقے کے نہیں، پوری انسانیت کے امامؑ ہیں۔

انہوں نے مزید کہا کہ یوم حسین کی تقریبات میں ماہرین تعلیم، پروفیسرز، تمام مکاتب فکر اور مسالک کے علما اور طلبا و طالبات حضرت امام حسین کی شان میں اپنی عقیدت کا اظہار کریں گے۔

News 29 September 2018

آئی ایس او پاکستان کے تین روزہ کنونشن کا آغاز 23 نومبر سے لاہور میں ہوگا

آئی ایس او پاکستان کے تین روزہ کنونشن کا آغاز 23 نومبر سے لاہور میں ہوگا

امامیہ اسٹوڈنٹس آرگنائزیشن پاکستان کے مرکزی صدر انصر مہدی کی سربراہی میں مرکزی دفتر میں مرکزی کابینہ کا اجلاس ہوا اجلا س میں مرکزی کنونشن کی تاریخ اور مقام کو زیر بحث لایا گیا ۔

اجلاس میں طے پایا کہ تنظیم کا سالانہ کنونشن نومبر کے آخری ہفتے لاہور میں ہوگا مجلس عاملہ کی کثرت رائے سے منتخب چئیرمین کنونشن جمیل طوری کا کہنا تھا کہ کنونشن کا آغاز 23 نومبر کو لاہور میں ہونا طے پایا ہے.

تین روزہ کنونشن میں ملک بھر سے تعلیمی اداروں کے ہزاروں امامیہ طلبہ، علمائے کرام، وکلا حضرات، انجنئیرز، دانشور اور طلبا شریک ہونگے۔ کنونشن کے اہم پروگرامات میں تعلیمی سیمینار بعنوان ایجوکیشنل فئیر، محفل دوستان، اسٹڈی سرکلز، شب شہدا ،محفل میلاد مصطفیۖ اور محب کنونشن سمیت نئے مرکزی صدر کا انتخاب و اعلان اور ریلی شامل ہیں۔

News 25 September 2018

ملکی سالمیت پر کوئی آنچ نہیں آنے دینگے،آئی ایس او پاکستان

ملکی سالمیت پر کوئی آنچ نہیں آنے دینگے،آئی ایس او پاکستان

امامیہ اسٹوڈنٹس آرگنائزیشن پاکستان کے مرکزی جنرل سیکرٹری قاسم شمسی نے بھارتی حکومت کی جانب سے پاکستان کو جنگ کی دھمکی آمیز بیانات کے تناظر میں کہا کہ اگرکسی ملک یا قوت کی جانب سے یہ کوشش کی گئی کہ وہ وطن عزیز کی نظریاتی یا جغرافیائی سرحدوں کی حرمت کو پامال کرے تو آئی ایس او پاکستان کے جوان اس قوت اوراس ملک کے خلاف ہمہ وقت تیار و آمادہ ملیں گے اور ملکی سا لمیت پر کوئی آنچ نہیں آنے دینگے۔

برادر قاسم شمسی کا کہنا تھا کہ ساری قوم افواج پاکستان کے ساتھ ہے جو انڈیا کی دہشت گردی کا جواب دینے کی صلاحیت رکھتی ہے ۔ مرکزی جنرل سیکرٹری کا کہنا تھا کہ بھارت خطے کے امن کو تباہ کرنا چاہتا ہے جس کے لئے امریکہ انڈیا اور اسرائیل کا گٹھ جوڑ ملک اور اسلام کے خلاف سازشیں بننے میں مصروف عمل ہیں جس میں وہ ناکام و نامراد ہوں گے۔

انہوں نے مزید کہا کہ بھارت اشتعال بیانات سے مسئلہ کشمیر سے توجہ ہٹانا چاہتا ہے کشمیر ہر مظلوم مسلمان کی آواز ہے وہ دن دور نہیں جب کشمیر بھارت کے تسلط سے آزاد ہوگا۔

News 12 September 2018

دوران محرم امامیہ اسکائوٹس ملک بھر میں سکیورٹی کے فرائض سرانجام دیں گے، زاہد مہدی

'لبیک یا حسین سیکورٹی مہم" کے تحت 150مقامات پر سیکورٹی ایورنس کیمپس کا انعقاد کیا جائے گا

امامیہ اسٹوڈنٹس آرگنائزیشن پاکستان کے امامیہ چیف اسکائوٹ زاہد مہدی نے لاہور میں اسکائوٹس سے خطاب کرتے ہوئے کہا کہ محرم الحرام میں ملک بھر میں مجالس اور جلوس ہائے عزاءکی سکیورٹی کے فرائض امامیہ اسکاﺅٹس انجام دیں گے تاکہ عزاداری اور مقدس مقامات، امام بارگاہ و مساجد کو انتہا پسندانوں کے شر سے محفوظ رکھا جاسکے۔

زاہد مہدی کا کہنا تھا کہ استقبال محرم کیمپ ملک کے تمام ڈویژن میں جاری ہیں۔ محرم اور صفر کے دوران 50 مقامات پر میڈیکل کیمپس اور'لبیک یا حسین سیکورٹی مہم" کے تحت 150مقامات پر سیکورٹی ایورنس کیمپس کا انعقاد کیا جائے گا۔

زاہد مہدی کا کہنا تھا کہ امامیہ اسکاﺅٹس نے ہر مشکل گھڑی میں وطن عزیز کے شہریوں کی حفاظت کیلئے اہم کردار ادا کیا ہے اور ملک کی نظریاتی و جغرافیائی سرحدوں کے تحفظ کیلئے ہمیشہ سرگرم عمل رہیں گے۔ انہوں نے کہا کہ دہشتگردی کیخلاف پاک فوج کے اقدامات قابل تحسین ہیں اور جلد پاک وطن سے تکفیری اور شرپسند عناصر کا خاتمہ ہوجائے گا۔
News 11 September 2018

محرم الحرام کے پہلے عشرہ کو "کربلا شناسی"کے عنوان سے منایا جائے گا

نواسہ رسول کی جدوجہد بلاتفریق مذہب و مسلک پوری انسانیت کیلئے تھی،قاسم شمسی

نواسہ رسولﷺ، حضرت امام حسینؑ کی شہادت اسلام اور انسانیت کی بقا کیلئے تھی۔

ظلم کے سامنے ڈٹ جانا اور ظالم و جابر حکمرانوں کے سامنے کلمہ حق کہنا درس کربلا ہے، آئی ایس او

امامیہ اسٹوڈنٹس آرگنائزیشن پاکستان کے مرکزی جنرل سیکرٹری قاسم شمسی نے کہا ہے امسال آئی ایس او ماہ محرم کے پہلے عشرے کو کربلا شناسی کے نام سے منائے گی۔ کربلا شناسی عشرہ منانے کا مقصد امام حسین کے قیام کے مقصد کو حقیقی معنوں اجاگر کرتے ہوئے نوجوان نسل تک پہنچانا ہے۔

انہوں نے کہا کہ کربلا زندگی کا دستور آئین ہے، اس سلسلہ میں ملک بھر میں مجالس کا اہتمام کیا جائے گا۔ علما کرام ڈویژنز میں کربلا شناسی کے حوالے سے گفتگو کریں گے۔ ماہ محرم میں دہشتگردی کے خطرات کے پیش نظر امامیہ اسکاوٹس ملک بھر میں سکیورٹی کے فرائض سرانجام دیں گے اور سکیورٹی کو یقینی بنائیں گے، جبکہ ملک بھر میں روز عاشور نماز ظہرین باجماعت کا بھی اہتمام کیا جائے گا۔

انہوں نے مزید کہا امسال بھی ملک بھر کے تعلیمی اداروں میں یوم حسین عقیدت و احترام سے منایا جائے گا، جس میں مذہبی اسکالرز خطاب کریں گے۔ انہوں نے کہا ہے کہ نواسہ رسول حضرت امام حسین کی شہادت اسلام اور انسانیت کی بقا کیلئے تھی حضرت امام حسین کی جدوجہد دین اسلام کیلئے، انسانی اقدار اورعوامی حقوق کے تحفظ کیلئے تھی، نواسہ رسول کی جدوجہد بلاتفریق مذہب و مسلک پوری انسانیت کیلئے تھی۔

محرم الحرام ہمیں سید الشہدا حضرت امام حسین اور شہدائے کربلا کی شہادتوں کے ساتھ ساتھ انکے مشن اور جدوجہد کی طرف بھی متوجہ کرتا ہے، ظلم کے سامنے ڈٹ جانا اور ظالم و جابر حکمرانوں کے سامنے کلمہ حق کہنا درس کربلا ہے۔محرم الحرام تلوار پر خون کی فتح کا مہینہ ہے، ایثار، تحمل اور صبر کا مہینہ ہے، ماہ مقدس میں امن و امان برقرار رکھنے کیلئے سب کو متحد ہو کر کردار ادا کرنا ہوگا۔

News 31 August 2018

متحدہ طلبہ محاذ کا "یمن"اور سیرت النبی ص سیمینارز کے انعقاد کا اعلان

طلبہ تنظیموں کا اجلاس مرکزی سیکرٹریٹ آئی ایس او پاکستان میں منعقد ہوا جس میں تمام طلبہ تنظیموں کے سربراہان نے شرکت کی۔

اجلاس کی سربراہی مرکزی جنرل سیکرٹری آئی ایس او پاکستان قاسم شمسی نےکی اجلاس میں طے پایا کہ طلبہ یونین کی بحالی کے لئےوفود حکومتی وزراء سے ملاقات کریں گے۔ متحد طلبہ محاذ جلد یمن سیمینار منعقد کرے گی گی جبکہ گستاخانہ خاکوں کی اشاعت کی روک تھام کے لئے تمام ممالک کے سفیروں کو خطوط لکھے جائیں گے۔

شرکاء کا کہنا تھا کہ عمومی طور پر طلبہ یونین کی بحالی کے بارے یہ موقف اختیار کیا جاتا ہے کہ طلبہ تنظیمیں آنے سے تشدد بڑھ جائے گا اگر ایسا خدشہ ہے تو حکومت کو چیکس لگانا چاہیے تاکہ اسلحے کا فروغ نہ ہوا اور طلبہ یونین سیاسی جماعتیں انھیں آلہ کار نہ بنائیں۔ یہ ایک انتظامی مسئلہ ہے جس کو حل کیا جا سکتا ہے اس بنیاد پر اس سیاسی عمل کو روکنا کسی صورت میں دانش مندی نہیں۔ گزشتہ حکومت کے ادوار میں سینٹ میں منظور کے باوجود طلبہ یونینز کے الیکشن نہیں کروائے گئے۔

شرکاءاجلاس کا کہنا تھا کہ ہمارا اولین مطالبہ یہ ہے کہ طلبہ یونین نہ صرف بحال کی جائے بلکہ اس کے الیکشن بھی کرائے جائیں۔طلبہ تنظیموں کے رہنماﺅں کا کہنا تھا پاکستان حکومت کے شدید احتجاج پر گستاخانہ خاکوں کی اشاعت منسوخ ہوئی لیکن مستقبل میں ایسے مقابلہ جات پر پابندی کے لئے اسلامی ممالک کو اقوام متحدہ اور او۔آئی۔سی کی مدد سے جامع حکمت عملی اپنانا ہوگی تاکہ اربوں مسلمانوں کے جزبات مجروح نہ ہو۔

شرکاءاجلاس نے یمن کے بارے اقوام متحدہ کی رپورٹ پر تبصرہ کرتے ہوئے کہا یہ رپورٹ دنیا پر سعودی اتحادی کے مظالم کو آشکار کرچکی ہے کہ کس طرح سے آل سعود اور انکے کے اتحادی یمنی بچوں پر ظلم و بربریت کرتے ہیں انسانی حقوق کی تنطیموں کو یمن میں مظالم کی روک تھام کے لئے اپنا کردار ادا کرنا ہوگا۔

اجلاس میں مصطفوی سٹوڈنٹس موومنٹ کے مرکزی صدر سہیل چیمہ، چودھری ذوالحج انقلابی ایم ایس ایم، غازی الدین بابر جمعیت طلباءاسلام، انجمن طلبہ اسلام کے طیب شیخ، پی ایس ایف سے علی حسن، اسلامی جمعیت طلبہ سے جواد نے شرکت کی۔
 
News 31 August 2018

علا مہ محمد حسن جوادی شہید کے قاتلوں کوکیفر کر دار تک پہنچا یا جا ئے، مرکزی صدر

جبری طور پرگمشدہ افراد کو عدالت کے سامنے پیش کیا جائے، آئی ایس او پاکستان

عزاداری امام حسین ہمارا آئینی و قانونی حق ہے ،انصر مہدی

گستاخانہ خاکوں کے سلسلہ کی روک تھام کے لئے اسلامی ممالک کو جامع حکمت عملی اپنانا ہوگی ۔پریس کانفرنس

انصر مہدی مرکزی صدر امامیہ اسٹوڈنٹس آرگنائزیشن پاکستان نے جیکب آباد میں پریس کانفرنس میں میڈیا کے نمائندوں سے گفتگو کرتے ہوئے کہا کہ پاکستان سمیت اسلامی ممالک کا
احتجاج رنگ لایا اور ہالینڈ حکومت کے رکن نے گستاخانہ خاکوں کے مقابلوں کو منسوخ کردیا ہے۔

مرکزی صدر نے کہا اوآئی سی اور اقوام متحدہ کی مدد سے اسلامی ممالک کو ایسی حکمت عملی اپنانا ہوگی جس میں یہ طے کیا جائے کہ آزادی اظہار کی آڑ میں دوسرے مذاہب کے مقدسات کی توہین کا سلسلہ روکاجائے اور دنیا کویہ باآور کرویاجائے کہ ایسے توہین آمیزمقابلوں سے اربوںمسلمانوں کے جذبات مجروح ہوتے ہیں۔

مرکزی صدر انصر مہدی نے کہا گزشتہ روز دنیا بھر میں جبری گمشدگی کے خلاف عالمی یوم احتجاج منایا گیا دنیا بھر میں لاکھوں افراد جبری طو رپر گم ہیں پاکستان میں دوسرے طبقات کی طرح ملت تشیع پاکستان کے درجنوں کو گزشتہ دو سالوں میں جبری گمشدگی کا نشانہ بنایا گیا جن میں کچھ افراد واپس لوٹ آئے ہیں جبکہ شدید تشدد کے باعث سندھ دھرتی کے عظیم عالم دین حیدر جوادی کے فرزند علامہ حسن جوادی شہید ہوگئے۔ علامہ حیدر علی جوادی نے نصف صدی تک اپنی زند گی کا حصہ معاشرے میں علم و اسلامی تبلیغ کی خاطر صرف کیا لیکن اس کے با وجود ایسی شخصیت کے بیٹے علا مہ محمد حسن جو ادی کو ریا ستی اداروں نے چند ما ہ قبل بے گنا ہ اغو اء کیا اور تشد د کرکے شہید کر دیا۔ محب وطن علا مہ محمد حسن جوادی شہید کے قاتلوں کو گرفتار کرکے کیفر کردار تک پہنچا یا جائے۔

مرکزی صدر نے کہا اب بھی سندھ کے کئی نوجوان جن میں سابق مرکزی صدر رحمن ،انجینئر ممتاز رضوی شامل ہیں جبری طورپر لاپتہ ہیں جبری طور پرگمشدہ افراد پر جو بھی الزامات ہیں، انہیں عدالت کے سامنے پیش کیا جائے، انصاف کے تقاضے پورے کئے جائیں۔ اگر کوئی مجرم ثابت ہوتا ہے تو اسے آئین کے مطابق سزا دی جائے، کسی کو اعتراض نہیں ہوگا۔
|
مرکزی صدر نے کہا چند روز بعد محرم الحرام میں عزاداری امام حسین کا آغاز ہوجائے گا عزاداری نواسہ رسول حضرت امام حسینؑ ہماری شہ رگ حیات ہے ہم یہ انتظامیہ کو باآور کروانا چاہتے ہیں کہ ہم اپنی اس عظیم عبادت پر کسی بھی قسم کی قدغن برداشت نہیں کرینگے۔ سندھ سمیت ملک بھر میں کسی بھی حصے میں عزاداری کو محدود کرنے کی کسی بھی سازش ہوئی توکامیاب نہیں ہونے دینگے، عزاداری امام حسینؑ ہمارا آئینی و قانونی حق ہے اور ہم اپنے اس آئینی حق پر قدغن لگانے کی کسی کو اجازت نہیں دینگے، چاردیواری کے اندر مجالس عزاء پر کسی سے اجازت لینے کی ضرورت نہیں جلوس ہائے عزاء کے روٹس میں کسی بھی قسم کی رکاوٹ کو ہم برداشت نہیں کرینگے، اس قسم کے کسی بھی واقعے اور سازش کیخلاف ملک گیر احتجاج کا آئینی و قانونی حق ہم محفوظ رکھتے ہیں۔

News 31 August 2018

آئی ایس او کے جوان ولایت کی امیدوں کا مرکز ہیں،مرکزی صدر

غدیر ریلی سے مرکزی صدر کا خطاب
یوم غدیر دنیا بھر کی طرح پاکستان میں بھی بھرپور طریقے سے منایا گیا۔

سندھ کے علاقے کوٹ ڈیجی میں آئی ایس او کے زیر اہتمام غدیر ریلی نکالی گئی امامیہ اسٹوڈنٹس آرگنائزیشن پاکستان کے مرکزی صدر نے کیا۔

مرکزی صدر آئی ایس او پاکستان نے ریلی سے خطاب کرتے ہوئے کہا کہ واقعہ غدیر اسلامی تاریخ کا بہت بڑا حصہ ہے، اس موقع پر رسول خدا (ص) نے خداوند کریم کے حکم کے مطابق دین کے مکمل ہونے کا اعلان کیا، آج مسلمانوں کی مشکلات سے اندازہ لگایا جا سکتا ہے کہ مسلم حکمرانوں نے اپنا رول ماڈل اسلام کی بجائے مغرب کو بنا رکھا ہے۔

 

انہوں نے مزید کہا کہ آج ہمیں ملک، قوم اور دین کیساتھ عہد کرتے ہوئے خطبہ غدیر کو عملی جامہ پہنانا ہوگا، اسلام مکمل ضابطہ حیات ہے اور اسلام ہی امن و آشتی کا پیغام دیتا ہے۔


مرکزی صدر کا کہنا تھا کہ آئی ایس او کے جوان ولایت کی امیدوں کا مرکز ہیں، ولایت، ہمارے جوانوں کے خون میں اتنی رچی بسی ہونی چاہیئے کہ خون کا ہر قطرہ ولایت کی گواہی دے۔

News 28 August 2018

مفتی جعفر حسین ؒ کی مجاہدانہ زندگی سے ملت میں اجتمائی شعور وبیداری کی لہر پیدا ہوئی،مرکزی صدر

مفتی جعفر حسین مرحوم کی استعمار دشمنی، سادگی، نوجوانوں سے محبت، بابصیرت شخصیت و قیادت آج کی نوجوان نسل کیلئے مشعل راہ ہے۔

امامیہ اسٹوڈنٹس آرگنائزیشن پاکستان کے مرکزی صدر انصر مہدی نے قائد ملت، مرحوم مفتی جعفر حسین کی 35 ویں برسی کے موقع پر اپنے تہنیتی پیغام میں کہا کہ مفتی جعفر حسین کی گرانقدر خدمات ناقابل فراموش ہیں، مفتی جعفر حسین نے ایک ظالم و جابر آمر کے سامنے نہ جھک کر ہمیں ظالموں کے سامنے ڈٹ جانے کا جو درس دیا ہے ہمارے لئے مشعل راہ ہے۔

 

 

انہوں نے کہا کہ آئی ایس او نے ہمیشہ محسنین ملت کے افکار و کردار کو زندہ رکھا ہے اور ان کی یاد آوری کیلئے ان کے ایام کو عقیدت و احترام سے مناتے ہیں، مفتی جعفر حسین نے
اپنے منصب کے احساس کے تحت ملک بھر میں دورہ جات کر کے ملت کو سازش سے آگاہ کیا اور بتایا کہ ہمارے کچھ جداگانہ حقوق بھی ہیں،آپ کی شب و روز کی محنت رنگ لائی اور اس طرح ایک طرف سے ملت کے اندر اجتمائی شعور اور بیداری کی لہر پیدا ہوئی، مرحوم مفتی جعفر حسین نے اپنی دوراندیشی اور تیز بین نگاہوں سے پاکستان کی تاریخ سے منوایا کہ مملکت خداداد پاکستان اسلامی نظریئے پر قائم ہوئی ہے ۔

News 16 August 2018

افغانستان میں داعش امریکہ کی ناک کے نیچے انسانیت کے قتل عام میں ملوث ہے ،قاسم شمسی


امامیہ اسٹوڈنٹس آرگنائزیشن پاکستان کے مرکزی جنرل سیکرٹری قاسم شمسی نے افغانستان میں مہدی موعود ایجوکیشن سنٹر پر دہشت گرد گروہ داعش کی کارروائی میں 50شیعہ طلبہ کی شہادت پر گہرے دکھ اور رنج کا اظہار کرتے ہوئے کہا کہ داعش عصر حاضر کا بہت بڑا فتنہ ہے جو عالم اسلام میں ابھرتی ہوئی طاقتوں کو ایک منظم طریقے سے نشانہ بناتی رہی ہے۔

داعش کی کمر عراق اور شام میں ٹوٹ چکی ہے امریکہ نے اب داعش کے شکست خوردہ دہشت گردوں کا عراق و شام سے انخلاءکے بعد انہیں بمع اسلحہ و سازو سامان افغانستان کےمختلف علاقوں میں پہنچانا شروع کر دیا ہے تا کہ اب شام و عراق کے بعد افغانستان کو بھی تہس نہس کیا جائے۔

داعش امریکہ کی ناک کے نیچے شیطان بزرگ امریکہ کی ناک کے نیچے افغانستان میں معصوم شہریوں اور طلبہ کو نفرت کا نشانہ بنارہا ہے انہوں نے مزید کہا کہ داعش اسلام کے نام پر اسلام کے روشن چہرہ کو مسخ کرنے کی ناکام کوشش میں مصروف عمل ہے امریکا و اسرائیل نے داعش کو عالم اسلام میں فرقہ واریت کو ہوا دینے کے لئے پروان چڑھایا۔

قاسم شمسی نے کہا آئی ایس او نے ہمیشہ مظلومین جہاں کی حمایت اور داد رسی کی ہے، جبکہ ہر ظلم کے خلاف برسر پیکار رہے ہیں۔

Picture Gallery